13.12.2018
Ska aus Bern seit 2003

Songtexte "am Sandstrand"

Sandburg

Es isch e schöne Strand mit Paume dran
Sunneungergang über wyssem Sand
So lang mer Musig hei, geit kenä hei
Es het no Wy u Fleisch und aus so fein

Kaviar wär üs z lapidar
Är het wenn dann no chli Goudspän dran
Sekt fliesst i Ströme, mir chöi’s nüme ghöre
We sech es paar Göre ab em Richtum störe

Mir läbe ire wysse Sandburg mit rote Ziegusteine
Was um üs ume abgeit, das intressiert doch keinä
Ar Tür e Risefätze bestimmt, wär ineglah wird
Dini Schue, das si di lätze, no z höische, ungerstah di


Tue nid so dumm wäg de Gaffer da
Es het e Zuun rundum mit Stachudraht
Es Gwüsse ha, was söu dä Stoss
Mir läbe da im Überfluss

O we aus verheit und aues ungergeit
So lang mer Chohle hei, isch üs das läng wi breit
So lang dr Sand no wyss und d Sunne schynt
Geit’s üs guet und de andere mys

Biuderrahme

24 Stung si wi dr Biuderrahme
Du bisch dr Maler und drum wäusch du d Farbe
Lue genau, isch das Schwarz nid Dunkublau
U d Wuuche, di si nume vo unge grau

Los doch, los mer guet zue,
   häb e chly Vertroue und häb e chly Muet
Wüu hüt schynt d Sunne nume für di,
   mängisch hinger Wuuche aber da isch si glych
Los doch, i gibe ke Ruhe, gloub a di,
   wüu nume so geit’s dir guet
Di Troum häb ne fescht u häb ne gärn,
   är isch dr Grundstei zu dir Realität

Es git Täg, da bisch de süchtig nach Träne
Es git Täg, da dänksch de, jedä sig drgäge
Es git Täg, da schänkt dir niemer es Lächle
Es git Täg mit Hingernis uf aune Wäge
Doch so schwär di Täg si, si ghöre zum Läbe
Und o di Täg gö verbi u näme es Ändi

Dä Momänt, we d Sunne wieder dür d Wuuche bricht
U d Wermi strichlet dir fyn über ds Gsicht
Dä Momänt, we di ganzi Wäut ihri Angscht vergisst
Häb ne fescht, für we's um di mau wieder dunku isch

Heiss & Chaut

Es isch Füfi i dr Bar u ds Liecht geit a
Und es hocke nume no zwöie Verliebti da
Das isch dr Afang worde vo mim Drama

Du kuschlisch di a mi und chüschlisch mir i ds Ohr
Du heigisch zwar e Fründ aber i gfau dir e so
Das wär mis Stichwort gsi für ufzstah und uf u dervo

So heiss – das isch dis Attribut
So chaut – du machsch mi ganz kaputt
So heiss – wär mit em Füür spiut,
   dä verbrönnt sech sini Händ

Zwe Woche speter, mir si wieder i der Bar
D Vernunft isch wäg, u drum gsehn ig nüme klar
Doch tief i mir weiss i mir wärde nie es Paar

I wirde nie e Teil vo dir Familie si
Trotzdäm sitzen ig jtze hie mit dir
Ä Nacht wi e Troum und i hoffe si geit nie verbi

Es muess ufga, süsch gan ig unger
I wirde drufga, vor luter Chummer
I ma nüm ufstah, drum blib i dunge
Und i schreie mi us mit em Härz uf dr Zunge 

Warum nimm i ds Natel ab, es tuet doch nume weh
Du sigsch grad i der Stadt und wöusch mi hurti gseh
I weiss du ghörsch mer nid,
   doch i gniesse di Zyt mit dir so sehr

Es isch dumm, wenn i blibe und gschider, wenn i ga
Und i weiss o nid warum, i geng no uf di stah
Mir mache üs kaputt und i gspüre, es isch Zyt zum di la ga

Fernbeziehig

Geng am Morge, we dr Wecker geit
Han i e Fründ, wo uf dr Matte steit
Dä chunnt jedä Tag, het geng e gueti Lune
Und gseht geng guet us, es isch fei zum Stune

D Wäut isch z Bsuech bi mir daheime
Und si weiss, i bi dr Meister
Luter schöni Lüt um mi, viu Friends und nie allei

I bi beliebt, i kennä jedä Superstar
Trinke mit em James Martini a dr Bar
Jedi Frou, wo Rang u Name het
Bsuecht mi hüt am Abe hie bi mir i mim Bett

Mittendrin statt nur dabei,
   zum kleinsten Preis, denn Geiz ist so geil

Waschmaschinen leben länger,
   Flügel gibt’s nicht nur für Engel
Du darfst, dass ich nicht lach,
   sind sie zu stark, bis du zu schwach
Lebst du schon, oder schaust du noch,
   Widerstand ist zwecklos, kaufst ja doch


I bi pär Du mit em Epiney
U d Beyoncé han i gschter gseh
I kämpfe mit em A-Team gäge Gargamel
Muess jtz hei, dört warte Ross und Rachel

D Wäut isch z Bsuech bi mir daheime
Und si weiss, i bi dr Meister
Luter schöni Lüt um mi, viu Friends und nie allei

D Wäut isch z Bsuech bi mir daheime
Uf Chnopfdruck bin i nüm alleini
D Fernbedienig isch mis Zepter und ds Sofa mi Thron

Meitschi (feat. Soulution)

Du bisch ds Usschlafe, i dr Wecker
Du dr süäss Konditor und i dr Metzger
Du bisch so kreativ, wi d Frisur vom Gress
Und i so strukturiert, wi die vom E. Hess

Nei i wott di nid, es wär so kompliziert
Probiere locker z si, doch i chopfe’s nid
Es isch scho passiert, I bi scho so verliebt
Du bisch im Chopf vo mir, Und dört verfougsch du mi

Metschi, ja du verdräisch mir
Du verdräisch mer der Chopf bis mis Rückgrat bricht

Du und ig das isch ke Outobahn
Sondern eher e Sackgass und e Eibahnstrass
I gloube nid a ds Schicksau, das han i no nie
Doch es isch nid d Vernunft, wo mi zu dir härezieht

Ha di denn gseh, ha gwüsst, i wott no meh
Gmerkt han i schnäu, es tuet so weh
Seisch du A, säg i B, blibsch du dra, wott i nüme
Es git kes Üs, mir stöh im Räge ohni Ghüs
Wosch du Pop, wähl i Bebop
fougsch de Gebot, ig am Flashmob
Du choufsch dis Brot, i bache’s an Ort
So verschide wie mir si, wieso verlide mir üs nid?
Mir loufe i verschideni Richtige
Verfouge verschideni Verpflichtige
Wi ne Münze mit Chopf u Zau
Entweder oder, doch untrennbar
Dame u König uf em Schachbrätt
Zersch so nätt, wenn i’s wahrgno hätt
Doch itz isch klar, das war’s, aus nume e Farce
Du bisch wyss, i schwarz u glych wird i schwach

Bueb, ja du verdräisch mir
Du verdräisch mer der Chopf bis mis Rückgrat bricht

Mir wüsse’s beidi, das wird nüt mit üs
Doch i bi Nihilist und i gloube a ds nüt
I bruche e Brandschutzversicherig
Wüu du bisch heiss, bi Füür u Flamme für di

222 bpm

Es rennt dr Penner, und es secklet dr Becker
Und ou dr Metzger hetzt bim Mässer wetze
Är isch so am stressä, dass är sich chönnt verletze
I weiss genau, d Wäut drähit hüt schneuer aus normau

D Wäut wirblet no chly wyter ume,
   i häbe mi eifach fescht
U frage mi, öb ig nid wyterchume,
   aus d Wäut um mi im Stress
Aues blinket wi ne Lüchtreklame,
   i mache d Ouge zue
Und weiss, dass i glych meh mitberchume,
   aus d Lüt um mi drum

Es flitze d Hipster, mit de pinke Fixies
Si si jtz am schwizte fix im Sattu sitzend
Und e Bande Radler raset hingenache
Si si starch am pedale, wi im Lied vom Freddy M.

D Tante Barbara, si wartet im Garte da
Uf d Tomate für e Sunntigsbrate
Scho sit em Mänti zwüsche Rüebli und Ärbsli
Si isch vou unger Strom,
   ds Jtz isch verbi, scho gly isch morn

Those Capones (feat. Soulution)

Los geit’s Fäud Eis, auso ganz vo vore
Am Mik dr Freak us dr Not gebore
Glych e rise Schnure, auso spitzet d’Ohre
I tue lache, singe, spinne, drohe
Eher dröhne tüä di Göre a de Hörner
Verstöht dir, i säg nech jtz öpis über d’Tröte
Si störe? Mischer drähi se mau chly abe
I weiss ganz genau, di si wieder mau verlade
Fyrabe Giele, jtz isch Zyt für e Drummer
Verchlemmt wi e Zange, aber glych dr Hammer
Auso schwing di Stange, la se nid la hange
Meitschi treisch e Spange, blibt si Zunge bhange

Mir gäbe Vougas, o we mir nie wärde Erfoug ha
Läbe mir vou baas, es macht äbe ou so Spass

La mi churz überlege, dass i jedä vo denä
Wo dir Lüt no nid kennet, o bim Name tue nennä
A de Saite zwe Kenner, spiele Offbeat
Nei di si nid am pennä, aber stockstyf
Jtz fäut no eine, weisch, wän i meine
Ja, genau dr Eint, wo du gärn wetsch heinä
Aber nei, das geit nid, het daheim äs Meitli
Dr anger Bassist wär jederzyt bereit gsi
Isch das geil gsi, was i nech jtz verzeut ha
Es geit en Ewigkeit, bis i d Band vorgsteut ha
Ja, du erratisch’s, jtz chunnt no es Fazit,
Doch mit däm wart i, bis du parat bisch

Ok, i cha nid rappe, wi d’Jungs vor Chlyklass
Aber trotzdäm stan i am Mic, wüu es macht haut glych Spass
Bim Rapteggste schrybe bruchen ig e Bystang
Schüsch wärde si chly z’lang und ryme sech o nüm

 

I nimme di bim Wort, hie chunnt ds Raptutorial
Support für Capones Trackmemorials
Bleistift, Block, Bock u Metronom
Dr Flow tönt swift dür ds Mikrofon

I ha trotzdäm ke Stimm wi dr Justin Bieber

Das isch haub so schlimm, derfür si mer gschyder
Ha ke Chohle, kenär Chäre und no weniger Wyber
Aber derfür e geili Band, i muess säge, das isch mer lieber

D Steff isch mira d’Chefin im Breitsch
Doch bi üs seit en anderi, wo’s düregeit:

Hola Achtung, hie chunnt dr Bewys
Es vergeit ke Stung, ohni wyblechi MCs
Um jede Prys, das isch dr Steez
Da Soulution mit Flyssuswys
U si si Those Capones, welcome back!
Es isch e Band mit Wärt,mit local Bärner Rap
Si spile vieli funky Breaks mit herbe, derbe Tunes
Ke Flunky Takes, wän erstunt’s?
Bewaffnet mit Riffs, Drum und Saxophon
Schaffe si wiff dr Sprung zu Ruhm im O-Ton

 
TYPO3 Agentur